ممراتي الى 2019

شعاري لهذه السنة

( لا تحزن إن الله معنا / وان البدايات الجيدة هي ممر الى نهايات مطمئنة )

الممرات  الي محتاجة اعملها السنادي:-

1- على مستوى الفكر 

 
- اكثف قراءاتي وانوعها وابدأ اقرأ في التاريخ بشكل اعمق 

-اقرأ في السيرة النبوية بشكل افضل

-اقرأ في السير الذاتية 

 - ابني مكتبة جديدة وارتبها بشكل منظم 

-اشتري مكتبة جديدة للولو تشبه مكتبتي 

-اكمل حصص القراءة لاطفال الحي 

- ارجع تاني اشارك في مجموعة اقرأ لي للمكفوفين وذوي الحاجة

- ازود شغلي في المكتبة المدرسية وانوعها واعمل برنامج خاص بيهم شهري لتشجيع ع القراءة بشكل مرضي للمؤسسة التعليمية
- ابدأ مكتبة روضة لولو
-ادخل لولو كلاسات لتعليم الرسم والالوان
-ارتب مكتبة البيت والاستعارة

-اشارك في اوديوهات مرة تانية 

/

2-على مستوى الشغل

- اخد كورسات تربوي لدعمي الوظيفي

- اتعلم لغة انجليزية بشكل جدي

- اتعلم الاكسل 

-ممكن اتعلم فوتو شوب 
-ابدأ بدراسة الجدوى عشان مشروعي القارئ الصغير

/

3- على المستوى الترفيهي

-اسافر مكان جديد 

-اتعلم رياضة جديدة جنب السباحة والخيل عايزة اتعلم الجري وتنس

-اعلم لولو وولاد اخواتي السباحة بجدية شوية 

-التحق بورشة رسم او كتابة القصص او المقال والخواطر او فنيات

/

4-على المستوى الديني

-اكمل دروس التلاوة والتجويد 

-احفظ السور بطريقة سليمة

-اكمل مع لولو وولاد اخواتي حفظ السور الصغيرة

-استمر على قيام الليل 

-اتعلم اسبح بأيدي

/

5-على المستوى الشخصي 

-اهتم بصحتي وابدأ في اجراءات زراعة الكلى 

-نكمل مسيرة ابويا وامي في لم الشمل يوم الخميس اليوم العائلي
-اكمل في المشروع الخيري الخاص بابويا وامي

-اكمل في صداقة المرضى وابدأ بشيء مختلف ليهم

-اكمل في صداقة اليتيم واشارك لولو معايا المرة دي

-ارسم جدول للانجازات اليومية الخاصة بالبيت او باعمالي واعمل جدول خاص بلولو 

-اشتري بيت

-اكمل في تعليم السواقة

- الاهم بقا في جدول السنادي  ( اخد خطوة جدية وحازمة اني اتجوز الي بحبه )
-مهام جدية لجدول لولو واحمد المنزلي 

/

6-سلبيات لابد الابتعاد عنها
-سلبيات الحديث والاحباط
-سلبيات التجمعات الدينية والانتقادات عمال ع بطال
-سلبيات القراءات الغير مجدية
-سلبيات انتقادات الصحبة والاهل
-سلبيات السوشيال ميديا
/


 
 

الله يقدرني